გაეცანით

მუსიკოსთა პარკი

Black Sea Arena-სმიმდებარე ტერიტორიაზე, ფონდ „ქართუს“ მხარდაჭერით, 2016 წლიდან „მუსიკოსთა პარკი“ ფუნქციონირებს. 21 ჰექტარ ტერტორიაზე გაშენებულ პარკში გვხვდება უნიკალური ჯიშის მრავალწლიანი მცენარეები, ლამაზი ბილიკები, მოსასვენებელი სივრცეები და სამი ღია სცენა. პარკის სივრცეში განთავსებულია სკვერი, სადაც როგორც ქართველი, ასევე უცხოელი მუსიკოსების ძეგლები დგას - ძეგლების მიმდებარე ტერიტორიაზე კი მუდმივად ჟღერს ამ არტისტების მიერ შესრულებული მუსიკა.

მუსიკოსთა პარკი დამსვენებლებს სხვადასხვა ტიპის შემეცნებით და გასართობ პროექტებსაც სთავაზობს, რომლებიც პარკში დროის გატარების გამოცდილებას კიდევ უფრო დასამახსოვრებელს ხდის. პარკის ტერიტორიაზე პერიოდულად ეწყობა სივრცე კრაფტინიგსთვის და სათავგადასავლო თამაშები, ბავშვების განწყობაზე ზრუნავენ მხატვარ-კარიკატურისტები. მსგავსი აქტივობები საბოლოო ჯამში დაგვეხმარება, რომ ერთიანი ეკომეგობრული სივრცე შევქმნათ.

აქტივობები

ხის სკულპტურები

მუსიკოსების ქანდაკებების გარდა პარკში გვხვდება გამოქანდაკებული ხის სკულპტურები და სკამები, რომლებიც დამზადებულია პარკის ტერიტორიაზე არსებული დაზიანებული ხის მორებისგან. ისინი სპეციალური წესით მუშავდება და ხეზე კვეთის მოქანდაკეების დამსახურებით ხელოვნების ნიმუშად იქცევა. ამ გზით დაზიანებული ხეები ისევ ბრუნდებიან პარკის ტერიტორიაზე.

შადრევანი

პარკის მიმდებარედ განთავსებულია მრავალფუნქციური შადრევანი, რომელიც 3 აუზისგან შემდგარ, 1 300 კვ.მ. ფართობის კომპლექსს მოიცავს. შადრევანი ლაზერითა და სპეციალური პროექტორითაა აღჭურვილი. მათი მეშვეობით წყლის ფარდაზე ნებისმიერი სახის ვიდეო და ფოტომასალის გადატანაა შესაძლებელი. შადრევანი დაპროექტებულია GHESA Water & Art-ის მიერ, ხოლო ტექნიკურ უზრუნველყოფაზე გერმანულმა კომპანიამ LPS Lasersysteme იზრუნა.

კოის ბაღი

კოის წყლის ბაღი რამდენიმე მცირე ზომის, 2 დონიან აუზს მოიცავს. კოი იაპონური დეკორატიული თევზია, რომელიც სხვადასხვა კულტურაში ბედნიერების და კეთილდღეობის მომტან არსებად მიიჩნევა. მას ძალიან მოსწონს ხელიდან კვება, რაც განსაკუთრებით სახალისო აქტივობაა პარკის პატარა ვიზიტორებისთვის.

მეთევზის ქოხი

ჩვენს პარკში ცხოვრობს მოხუცი კეთილი მეთევზე, რომელიც თავის დაჭერილ თევზებს პარკის ტერიტორიაზე აუზებში ამრავლებს, რათა მათთან თამაში პარკის პატარა ვიზიტორებმაც შეძლონ. ბავშვებისთვის მისი ხის ქოხის კარი ყოველთვის ღიაა - კარის ზღურბლის მიღმა კი მეთევზის ჯადოსნური სამყარო და საინტერესო დავალებები გელოდებათ.

სოციალური სივრცე

—

სოციალური სივრცე ხეების გარემოცვაში, ზღვასთან ახლოს შექმნილი გარემოა იმისათვის, რომ ადამიანის და ბუნების ჰარმონიულ თანაცხოვრებას კიდევ ერთხელ გავუსვათ ხაზი.

სივრცის სურვილია ადამიანები ერთი მიზნის გარშემო გააერთიანოს, რაც ცოდნისა თუ გამოცდილების გაზიარებით გარემოსა და ერთმანეთზე ზრუნვას გულისხმობს.

დღევანდელ დატვირთულ გარემოში ყველას სჭირდება ადგილი სადაც იპოვის სიმშვიდეს, სივრცეს, სადაც იდეალური ნაზავია სულიერი და ფიზიკური გაჯანსაღებისთვის. ამ პროცესში ყველა ჯაჭვი მნიშვნელოვანია: გარემო, ჰაერი, საკვები, აქტივობები- ყველაფერი ის, რასაც სოციალურ სივრცეში ნამდვილად იპოვნით.

იმისათვის რომ ბუნებას ნაკლები ზიანი მივაყენოთ, ინტერიერის თუ დეკორის ყველა დეტალი რასაც აქ შეხვდებით გადამუშავებული და მეორადი მასალებისგან არის დამზადებული. ეს იდეა ფუნდამენტურად მნიშვნელოვანია სოციალური სივრცისთვის.