უიტნი ჰიუსტონი

უიტნი ჰიუსტონი პოპ მუსიკაში ერთ-ერთი უდიდესი ვარსკვლავია. ის პირველია, რომლის 7 სინგლიც ზედიზედ მოხვდა ჩარტების პირველ ადგილზე. "I Will Always Love You" კი ერთ-ერთ ყველაზე პოპულარულ სინგლად იქცა. ის ერთნაირი წარმატებით ასრულებდა სტილისტურად განსხვავებულ კომპოზიციებს: თანამედროვე ბალადებს, დენს-პოპს და სოულს, რითაც თაობის ერთ-ერთ ყველაზე წარმატებულ არტისტად იქცა.

მომღერალი ნიუ ჯერსიში, 1963 წელს დაიბადა. 11 წლის ასაკში გოსპელის გუნდის სოლისტი გახდა, თინეიჯერობაში კი დედასთან ერთად მღეროდა კონცერტებზე. უიტნი ჰიუსტონმა, 1985 წელს გამოშვებული პირველი ალბომი “Whitney Houston” 1985 წელს გამოვიდა, რომელში შემავალი სინგლი "You Give Good Love" R&B ჩარტის სათავეში მოექცა. შემდეგმა სინგლებმა სახელწოდებებით  "Saving All My Love for You",  "How Will I Know" და "The Greatest Love of All" ბილბორდის ჩარტებში პირველი ადგილი დაიკავა და მათმა გაყიდვების რიცხვმა 13 მილიონს მიაღწია, რამაც უიტნი ჰიუსტონი საუკეთესო გაყიდვების მქონე ქალ მომღერლად აქცია.

80-იანების ბოლოს და 90-იანების დასაწყისში უიტნი ჰიუსტონმა წარმატების პიკს მიაღწია და ერთ-ერთ ყველაზე გავლენიან ფიგურად იქცა პოპის და R&B-ის შემსრულებელ არტისტებს შორის.