საკონცერტო სეზონის დროს, ბლექ სი არენას ტერიტორიაზე 10:00-დან 20:00-მდე ფუნქციონირებს სალარო, სადაც ბილეთების შეძენა შესაძლებელია როგორც ნაღდი, ასევე უნაღდო ანგარიშსწორებით. თუმცა თუ კონკრეტული კონცერტის ბილეთები ამოწურულია, ამ შემთხვევაში სამწუხაროდ ვერ დაგეხმარებით
თუ თქვენ თქვენს შვილთან ერთად ღონისძიებაზე დასწრება გადაწყვიტეთ, 6 წლამდე ბილეთის ყიდვა არ დაგჭირდებათ. უბრალოდ გაითვალისწინეთ, რომ ამ შემთხვევაში ბავშვისთვის არ იქნება ცალკე სკამი გამოყოფილი და ის მშობლის ან მეურვის კალთაში უნდა იჯდეს.
ბილეთის დაკარგვის ან მოპარვის შემთხვევაში, გთხოვთ დაგვიკავშირდეთ კონცერტის დაწყებამდე არაუგვიანეს 5 საათისა. ასეთ შემთხვევაში ვეცდებით მაქსიმალურად დაგეხმაროთ.
ვიპ ბილეთი მოიცავს არენის ტერიტორიაზე გამოყოფილ სპეციალურ ადგილს მანქანის პარკირებისთვის, დამოუკიდებელ შესასვლელს, რომლის მეშვეობითად თავს აარიდებთ რიგებს, ასევე თქვენს განკარგულებაში იქნება სპეციალურად თქვენთვის განკუთვნილი ვიპ სივრცე და რაც მთავარია გექნებათ ადგილი არენის ცენტრალურ ადგილას.
თუ არენაზე სტუმრობა გადაწყვეტილი გაქვთ მეგობრებთან ერთად და არ გსურთ ტერიტორიაზე მანქანით მოსვლა, სწორედ ასეთი შემთხვევებისთვის შეგიძლიათ ისარგებლოთ ჩვენს მიერ დანიშნული სპეციალური ავტობუსის რეისებით, რომლებიც თბილისიდან და ბათუმიდან ივლის. ასევე შეგიძლიათ ისარგებლოთ საქართველოს რკინიგზის მომსახურებით. შეგახსენებთ რომ საკონცერტო დარბაზის უკან (ფეხით 10 წუთის გზაზე) მდებარეობს ბლექ სი არენას ბაქანი.
თუ თქვენ გადაწყვიტეთ თქვენი პატარით კონცერტზე დასწრება, ეს შესაძლებელი. ტერიტორიაზე თავისუფლად შეძლებთ საბავშო ეტლით შემოსვლას, სველი წერტილები აღჭურვილია ბავშვის მოსაწესრიგებელი (საფენის შესაცვლელი) სივრცით. კონცერტის მსვლელობისას საბავშო ეტლის შენახვა შესაძლებელია არენის საინფორმაციო ცენტრში.
თუ კონცერტის მსვლელობისას დაკარგეთ რამე და მაშინვე არ გიცნობებიათ საინფორმაციო ცენტრისთვის, ან უბრალოდ გვიან აღმოაჩინეთ ნივთის დაკარგვის ფაქტი, დაგვიკავშირდით მითითებულ მეილზე და მოგვწერეთ დაკარგული ნივთის მოკლე აღწერილობა.
თუ გაქვთ სურვილი დაესწროთ და გააშუქოთ ჩვენი ღონისძიება, თვალი ადევნეთ ჩვენს ოფიციალურ ვებ გვერდს, სადაც გამოქვეყნდება აკრედიტაციის სააპლიკაციო ფორმა, შეავსეთ და დაელოდეთ ჩვენს პასუხს.