ლუჩიანო პავაროტი

ლუჩიანო პავაროტი (1935-2007) სახელგანთქმული იტალიელი ტენორია, რომელიც 1935 წელს ქალაქ მოდენაში დაიბადა. ის სამართლიანად მიიჩნევა ყველა დროის ერთ-ერთ ყველაზე წარმატებულ ოპერის მომღერალად, ვისი შემოქმედებაც პოპულარული მუსიკის სამყაროშიც კი ძალიან დაფასებულია. განსაკუთრებით ცნობილია პროექტით "სამი ტენორი", რომელიც პლასიდო დომინგოსთან და ხოსე კარერასთან ერთად შექმნა. სწორედ ამ პროექტს ერგო  1990 წლის მსოფლიო საფეხბურთო ჩემპიონატის გახსნის ღონისძიებაში მონაწილეობის პატივი, რომელსაც იტალიამ უმასპინძლა. 

ლუჩიანო პავაროტის პერსონის მიმართ განსაკუთრებული ინტერესის ზრდა გამოიწვია მისმა სატელევიზიო კონცერტებმა, რისი დამსახურებითაც იტალიელმა არტისტმა ჯამურად 100 მილიონზე მეტი ჩანაწერი გაყიდა, ხოლო "სამი ტენორის" პირველი ლაივ ჩანაწერი ყველა დროის ყველაზე გაყიდვადი კლასიკური მუსიკის ალბომი გახდა.  მან ასევე სახელი გაითქვა წითელი ჯვართან თანამშრომლობით და ზოგადად საქველმოქმედო საქმიანობით, რომლითაც სხვადასხვა ქვეყნის ლტოლვილებს ეხმარებოდა. მისი კარიერის უკანასკნელი წლები ასევე ცნობილია სხვადასხვა ცნობილ შემსრულებელთან თანამშრომლობით, პროექტის „Pavarotti and Friends“ სახით. თავისი მუსიკალური კარიერის განმავლობაში ლუჩიანო პავაროტის გრემის 6 ჯილდო აქვს მოპოვებული.