ჯეიმს ბრაუნი

ჯეიმზ ბრაუნი ამერიკელი მომღერალი, სიმღერების ავტორი, მოცეკვავე და პროდიუსერია. ფანკის სულის ჩამდგმელი და მეოცე საუკუნის მუსიკაში ერთ-ერთი ყველაზე გავლენიანი ფიგურა„სოულის ნათლიად“ მიიჩნევა. მისი მუსიკალური პალიტრა მოიცავდა ისეთ ჟანრებს როგორებიცაა გოსპელი, რიტმ ენდ ბლიუზი, როკ ენ როლი და ფანკი. მისმა კარიერამ 50 წელს გასტანა და დიდი გავლენა მოახდინა სხვადასხვა მუსიკალური ჟანრის ჩამოყალიბებაზე. ბრაუნმა კარიერა გოსპელის შესრულებით დაიწყო. იგი შეუერთდა რიტმ-ენდ-ბლუზ ვოკალურ ჯგუფ Gospel Starlighters (შემდგომში Famous Flames), რომლის დამფუძნებელი და წამყვანი ვოკალისტი ბობი ბირდი იყო. ბრაუნი პირველად ყურადღების ცენტრში მოექცა მას შემდეგ, რაც ჯგუფ Famous Flames-თან ერთად შეასრულა ჰიტები „Please, Please, Please“ და „Try Me“. ბრაუნმა თავისი პროფესიონალური სოლო მუსიკალური კარიერა 1956 წელს დაიწყო და წარმატებას 1960 წლისთვის მიაღწია, რაც მის მიერ პროფესიონალურ და ცოცხლად შესრულებული ჰიტების დამსახურებაა. 2004 წელს ჟურნალმა როლინგ სტოუნმა, ჯეიმზ ბრაუნს მეშვიდე ადგილი დაუთმო სიაში - "როკ ენ როლის 100 ყველა დროის საუკეთესო შემსრულებელი".