გარემოს დაცვის მსოფლიო დღე - დრო ბუნებისთვის

საკვები, რომელსაც ვჭამთ, ჰაერი, რომელსაც ვსუნთქავთ, წყალი, რომელსაც ვსვამთ და კლიმატი, რომელიც ჩვენს პლანეტას საცხოვრებლად ვარგისად აქცევს - ბუნებიდან მოდის. მაგალითად, ყოველწლიურად, ზღვის მცენარეები ჩვენი ატმოსფეროს ნახევარზე მეტს ჟანგბადს აწარმოებენ, მოწიფული 22 კილოგრამ ნახშირორჟანგს, სანაცვლოდ გამოყოფს ჟანგბადს, რითაც ჰაერს ასუფთავებს. მიუხედავად ყველა იმ სიკეთისა, რასაც ჩვენი ბუნება გვაძლევს, ჩვენ ხშირად არასწორად ვეპყრობით მას. ბოლო პერიოდში ბრაზილიაში, შეერთებულ შტატებსა და ავსტრალიაში გაჩენილი ხანძრებით დაწყებული, აღმოსავლეთ აფრიკაში კალიებით შემოსევით დამთავრებული, ბუნება ნიშანს ყოველთვის გვაძლევს.

ზუსტად ამიტომ არის საჭირო ამ მიმართულებით უფრო ინტენსიური მუშაობა, ამიტომ გვჭირდება უფრო მეტი ეკო შემეცნებითი პროექტი, სწორედ ამიტომ არის აუცილებელი მსგავსი დღეების არსებობა და მსგავს ღონისძიებებში ჩართვა.

გარემოს დაცვის მსოფლიო დღე, რომელიც ყველაზე ცნობილი ღონისძიებაა გარემოსდაცვით ღონისძიებებს შორის, ყოველწლიურად 5 ივნისს აღინიშნება, სათავეს კი 1974 წლიდან იღებს. გარემოს დაცვის მსოფლიო დღე, რომელიც 100-ზე მეტ ქვეყანაში აღინიშნება, ხელს უწყობს მსოფლიოში ცნობიერების ამაღლებას და გარემოს დაცვის მიმართულებით მოქმედებას.   მთავრობის, ბიზნესის, ცნობილი სახეებისა და მოქალაქეების ჩართულობით, მათ შეძლეს ამ დღის აქტუალურობის გაზრდა და ყურადღების გამახვილება გარემოსდაცვით საკითხზე. გაერთიანებული ერების ორგანიზაციის თქმით, ”ამ დღის აღნიშვნით გვაქვს საშუალება, გარემოს დაცვისა და შენარჩუნების საკითხებში, გავუღრმავოთ საფუძველი ჯანსაღ აზრსა და პასუხისმგებლობიან ქცევას - როგორც საწარმოებში, ასევე სხვადასხვა საზოგადოებაში.” 

P.S. 1972 წელს გაეროს გენერალურმა ასამბლეამ დაადგინა გარემოს დაცვის მსოფლიო დღე სტოკჰოლმის ადამიანის გარემოს კონფერენციის პირველ დღეს. ორი წლის შემდეგ, 1974 წელს ჩატარდა პირველი WED თემაზე "მხოლოდ ერთი დედამიწა". მიუხედავად იმისა, რომ გარემოს დაცვის დღის აღნიშვნა ყოველწლიურად ტარდებოდა 1974 წლიდან, 1987 წელს დაიწყო იდეა ამ საქმიანობის ცენტრის შეცვლის შესახებ მასპინძელი სხვადასხვა ქვეყნის არჩევის გზით.