შუადღეს, როცა ყველგან ძალიან ცხელა, ბუნებაში, სიგრილეში შეგიძლიათ დროის გატარება. ჩვენ კი გვინდა, ეს დრო თქვენთვის უფრო პროდუქტიული და სასიამოვნო იყოს. სწორედ ამიტომ გთავაზობთ 5 ნივთს, რომლებიც მუსიკოსთა პარკში სტუმრობისას სახლში არ უნდა დაგრჩეთ.

• ყურსასმენები

მუსიკოსთა პარკში დაგხვდებათ ძეგლები, რომლებიც თავიანთი სიმღერის ხმას აუცილებლად მოგასმენინებენ, თუმცა მარტო სეირნობისას საკუთარ ფლეილისტზე უკეთ ვერავინ გაგიგებთ.

• პლედი

პლედი მიწაზე დასაფენად და მოსასვენებლად შეგიძლიათ წამოიღოთ, ჩვენთან ბალახზე წამოკოტრიალება სულაც არ არის აკრძალული.

• საყვარელი წიგნი

მას შემდეგ, რაც პლედს წამოიღებთ, ბუნებაში შეგიძლიათ თქვენი საყვარელი წიგნიც იკითხოთ, სურვილის შემთხვევაში მუსიკას მოუსმინოთ და განტვირთვისთვის გრილ ადგილს შეაფაროთ თავი.

• სახატავი ნივთები

წიგნის კითხვა თუ არა, შეიძლება აქ ხატვა ან გაფერდებაც მოგინდეს. ამიტომ ჩანთაში შეგიძლიათ სასურველი სახატავი ნივთები ჩაიწყოთ და დარწმუნებული ვართ, ჩვენი პარკი ნამდვილად იქნება თქვენთვის შთაგონების წყარო.

• თერმო ჭიქა

საყვარელი სასმელი თუ გინდათ, რომ თან წამოიღოთ - წვენი, ჩაი, ყავა, ან თუნდაც წყალი, თერმო ჭიქას გავუწევდით რეკომენდაციას, რადგან ერთჯერადი ჭურჭელი დედამიწაზე უარყოფით გავლენას ახდენს.