ფილმებსა და სერიალებში საყვარელი მუსიკის აღმოჩენა ერთი დიდი თავგადასავალია. საუნდტრეკები გვაახლოვებს ფილმის ატმოსფეროსთან, პერსონაჟების სულიერ სამყაროსთან და მათ გრძნობებთან. სწორად შერჩეულ მუსიკას კი მძაფრად შეუძლია დაგვაკავშიროს ფილმთან.

მოცემულ ბლოგში იმ ფილმებს და სერიალებს შემოგთავაზებთ, რომელთა საუნდტრეკად OneRepublic-ის იმ კომპოზიციებია გამოყენებული.

ტერმინატორი 5: გენეზისი

ტერმინატორი 80-იანი წლებიდან გამოდის და სამეცნიერო ფანტასტიკის ახალი მიმართულების, კიბერპანკის გამორჩეული ნიმუშია. 2015 წელს ფრენჩაიზის ახალი, რიგით მეხუთე ნაწილი “ტერმინატორ გენეზისი” იხილა მაყურებელმა, რომელშიც ტერმინატორის როლის შეუცვლელი შემსრულებელი, არნოლდ შვარცნეგერი მონაწილეობს. საუნდტრეკში მრავალი ცნობილი მუსიკოსის შექმნილი კომპოზიცია იქნა გამოყენებული, მათ შორის არის OneRepublic-ის “Love Runs Out”.

სმოლვილი

როგორი იქნებოდა თინეიჯერი სუპერმენი? ამ კითხვაზე პასუხის გასაცემად “სმოლვილს” უნდა უყუროთ. სერიალის მთავარი გმირი კლარკ კენტია, რომელიც საკუთარი სუპერძალების შესწავლას და მათი საშუალებით სიკეთის კეთებას ცდილობს. ფილმი ახალგაზრდული განცდებით და საინტერესო თავგადასავლებითაა დატვირთული, რასაც “Apologize” მშვენივრად გადმოსცემს.

მარტივი A

ერთ ჭორს ბევრი ყველაფრის შეცვლა შეუძლია. ამის დასტურად ჩვენი შემდეგი რეკომენდაცია, “მარტივი A” გამოდგება. დაძაბულ, კომედიურ სიუჟეტს და ჩახლართულ ურთიერთობებს ფონად OneRepublic-ის “Good Life” გასდევს, რომელიც ფილმს საჭირო მუხტსა და ენერგიას ანიჭებს.

დაკარგულები

“დაკარგულებს” ალბათ ზედმეტი აღწერა არ სჭირდება. საკულტო სერიალი 2004 წლიდან 2010 წლამდე გამოდიოდა და თაობის საყვარელ სატელევიზიო შოუდ იქცა. სერიალში OneRepublic-ის ერთ-ერთი ადრეული ჰიტი “Secrets” არის გამოყენებული, რომელიც კიდევ უფრო ამძაფრებს ყველა იმ ადამიანურ ემოციას, რომელიც ასე მრავლად გვხვდება “დაკარგულებში.”

გარდა ჩვენი შემოთავაზებული საუნდტრეკებისა, OneRepublic-ის მუსიკა სხვა მრავალ ფილმსა თუ სერიალში გვხვდება, რომელთა აღმოჩენასაც თქვენ მოგანდობთ.

OneRepublic-ის ცოცხალი შესრულების მოსმენა 28 მაისს, Black Sea Arena-ს სცენაზე შეგიძლით.

ბილეთები: BSA.GE/ONEREPUBLIC