15 აგვისტოს Black Sea Arena-ის ეზოში მდებარე Front Stage-მა L'Impératrice-ის კონცერტს უმასპინძლა. Front Stage-ი Black Sea Arena-ის ექსპერიმენტული სცენაა და ღონისძიებების ღია სივრცეში გამართვის შესაძლებლობას გვაძლევს. 

L'Impératrice ფრანგული დისკო-პოპ ბენდია, რომელიც 2012 წელს დაფუძნდა. თანამედროვე დისკოსა და ფრანგული პოპის შერწმით შექმნილმა მუსიკამ L'Impératrice-ს მსოფლიოს მასშტაბით გაუთქვა სახელი და თანამედროვეობის ერთ-ერთ ცნობილ ბენდად ჩამოაყალიბა. 

ცხრაწლიანი არსებობის განმავლობაში L'Impératrice-მა უკვე ორი ალბომი და რამდენიმე მინი ალბომი ჩაწერა. ფრანგული ბენდისთვის განსაკუთრებით წარმატებული აღმოჩნდა სინგლები Sonate Pacifique და Agitations Tropicales.

ბენდის ბოლო ნამუშევარი Tako Tsubo 2021 წელს გამოვიდა და კრიტიკოსების დადებითი შეფასებები დაიმსახურა. სწორედ ამ ალბომით დაანონსებული ტურის ფარგლებში ეწვია ბენდი საქართველოს და კონცერტს Black Sea Arena-ის ეზოში, Front Stage-ზე გამართა.