ამერიკელმა ჰიპ-ჰოპ არტისტმა Ceelo Green- მა კარიერა 1991 წელს ბენდთან Goodie Mob- თან ერთად დაიწყო. სამი ალბომისა და წარმატებული კარიერის შემდეგ, 1999 წელს არტისტმა ჯგუფის დატოვება და სოლო კარიერის დაწყება გადაწყვიტა. სოლო კარიერაში წარმატება ცოტა მოგვიანებით 2006 წელს მოვიდა, როდესაც არტისტმა Brian Joseph Burton - თან (სასცენო სახელით Danger Mouse) ერთად მუსიკალური დუო Gnarls Barkley შექმნა. მუსიკოსების პირველი სინგლი "Crazy" მალე გახდა ჰიტი და ცხრა კვირის მანძილზე უწყვეტად შეინარჩუნა პირველობა ბრიტანულ ჩარტებში. 2007 წელს მუსიკალურმა დუომ გრემის ჯილდოც დაიმსახურა საუკეთესო ურბანული/ალტერნატიული შესრულებისთვის. მალე Ceelo Green- მა ისევ სოლო კარიერაში გადაინაცვლა და 2010 წელს ახალი ალბომით The Lady Killer- ით წარსდგა მსმენელის წინაშე, საიდანაც ბრუნო მარსთან კოლაბორაციით შექმნილი სიმღერა Fuck You მალე გახდა საერთაშორისო ჰიტი. საერთაშორისო აღიარებასთან ერთად კომპოზიციამ გრემის ჯილდოც მოიპოვა და 2010 წლის საუკეთესო სინგლად დასახელდა. მრავალფეროვანი მუსიკალური კარიერის პარალელურად Ceelo Green მონაწილეობას იღებდა სხვადასხვა სატელევიზიო შოუებსა თუ ფილმებში, იყო ტელე-მუსიკალური კონკურსის The Voice-ის პირველი სამი სეზონის მწვრთნელი.